چہ میارجل ءِ ھالرسانی بنجاہ ءِ ھالانی رِد ءَ : بلوچانی جنین ءُ جنک مزنیں ھاٹیگ مندی ءُ سِنچانی واھُند اَنت کہ گوں آیانی پجارگ ءُ ساٹگ ءَ پہ دیم بَری ءَ جوانیں کارستے ماں چاگرد ءَ دیم ءَ آورت کن اَنت ۔

نسیم رکشانی بلوچانی لچہ کاریں جنکے کہ گوں وتی پجارگ ءُ بروسہ کنگ ءَ ماں کسان سالے ءَ یک جوانیں آدگارے پہ "یک جھانے کوکار" ءِ نام ءَ دَرپ ئِے کُت کُتگ ۔

گْوشگ اِنت : جنین ماں ھر چاگردے ءَ بلکیں ماں دیم ءَ شُتگیں چاگرد ءَ اَبید گوں نگیگاں سر ءُ چیر بیگ پہ وتی مول ءُ مراد ءِ سر بیگ ءَ گوں وتی ربیدگ ءَ دیم پہ دیم بہ بیت ءُ مدام چہ وت ءَ جست بکنت آیا کارے کہ پہ آئی ءِ رسگ ءَ جھد کنگ اِنت چاگرد ءِ ربیدگ ئِے مَنّ اِیت یا ناں ؟ کہ ھمے سوب بیت یک جنینے ءِ ارواہ ٹپیگ بہ بیت ۔

آئی ءَ تْران کنان کُت : منی راھکار پہ بلوچانی جنک ءُ جنیناں ماں چاگرد ءِ توک ءَ پہ کار کنگ ءَ اِیش اِنت کہ گوں بلوچستان ءِ رَبیدگ ءَ ھمگام بہ بنت ءُ آئی ءَ دوست بدار اَنت ءُ وتی چاگرد ءِ ربیدگ ءِ سمبالگ ءُ اِزت کنگ ءِ کَش ءَ پہ وتی  دیم روی ءُ مول ءُ مرادانی سر بیگ ءَ جھد بکن اَنت ۔

 نسیم رکشانی ءَ ماں گُڈسر ءَ چہ بلوچ لوگمانانی گور ءَ لوٹ اِت ئِے کہ پہ وتی جنکانی واھگانی سر بیگ ءَ موہ اِش بہ دئیت ءُ چہ آیاں مدت بکن اِت ۔

رجانک : میرجان میر