ھاجی بارانی درازھی : بلوچانی مُچانکی کارندہ ءَ چہ ایران ءِ مردمانی گِچتگیں مردم ءَ پہ رئیس جمھوری ءَ ،لوٹ اِت ئِے پھتوگری ءِ بنیاد ءَ چہ بلوچ ھاٹیگ مند ءُ مدیراں پہ ملک ءِ دیم ءَ برگ ءَ ماں وڑ وڑیں میداناں کار مرز بکنت ۔

ھاجی بارانی درازھی ءَ گوں گپ ءُ رپ پہ میارجل ءِ ھالرسانی بنجاہ ءَ گْوشت ئِے : بلوچستان ءَ وتی ھاسیں پَد مَنتگی ھست اَنت ءُ بلے اِے ھشتیں سالاں ھم ھرجاگہ کہ گندان اِیں ھچ کارے پہ بلوچستان ءَ کنگ نہ بوتگ ءُ گیشتر کار ماں روھانی ءِ دولت ءَ جار ءِ دروشم ءَ اِت اَنت داں کار ءَ ، ما چہ دکتر رئیسی ءِ دولت ءَ واھگ دار اِیں کہ سیستان ءُ بلوچستان ءَ ھاسیں دلگوشی یے بہ دنت ۔

 آئی ءَ گپ کنان کُت ; ھما پدمنتیگانی سوب ءَ کہ بلوچستان ءَ انگت ھم ھست اَنت ،ھمے وڑ ءَ آ پیمیں دیم روی یے کہ باید بہ بوتین ئِے نہ بیتگ ءُ رئیسی ءِ دولت کہ ھما وڑ ءَ کہ کار کنگ ءِ جار اِش جتگ گوں ھما تچکی ءُ راستی ءَ کہ نام کپتگ ءُ جاران ءَ ھم داں سر کَشگ ءِ سیمسر ءَ بہ رسین اِیت ۔

بارانی درازھی ءَ تْران کنان کُت : ما گْوش اِیں کہ دولت باید پھتو ءُ زانوگری ءِ بنیاد ءَ بلوچ کارندہ ءُ بلوچستان ءِ ھاٹیگ منداں کارمرز بکنت ءُ ٹول ءُ ٹول گوازیاں ھما کہ سرجمیں ملک ءَ ءُ مئے استان دلسیاہ ئِے کتگ ءُ موھے بوتگ دانکہ ناتوانیں مردم ٹول گوازیانی سوب ءَ بیاینت ءُ زمہ واری بہ گر اَنت ، بلکل مُچ کنگ بہ بیت ۔


آئی ءَ اشارہ پہ اِے گپ ءَ کہ روھانی ءِ دولت ءَ گوں بلوچاں کہ چَکار چہ ھاٹیگ مَندی ءُ زانوگری بوتگ اَنت بے مھری کتگ ئِے ، چہ رئیسی ءِ دولت ءَ لوٹ اِت ئِے : مئے واھگ اِیش اِنت کہ دور چہ ٹول گوازیاں پھتگی ءُ زانوگری ءِ بنیاد ءَ چہ بلوچانی ھاٹیگ منداں کارمرز بکنت ءُ آ چیزے کہ ھژدری اِنت ھاسیں دلگوش دیگ  پہ استان ءَ اِنت ءُ باید کہ بھداشتی ءُ "اُمرانی" ءُ۔۔۔۔بازیں کارے پہ اِے سرڈگار ءِ مردمانی واست ءَ کنگ بہ بیت ۔

 شستون ءِ شورا ءِ کارمستر ءَ تْران کنان کُت :شما چنت وھد پیش ھما جاہ ءَ کہ لھتیں چہ نام آوریں سپاھیگ شتگ اِت اَنت ،دیست کہ گْوش ئے زاناں داں انیگ ءَ ھِچ زمہ دار ءُ دولتی مردم ءِ پاد اود ءَ نہ رس اِتگ ، ھالانکہ اِے درست ھمے نزام ءِ جسم ئیگ اَنت ءُ دولت باید وت آیانی نیمگ ءَ بروت ءُ اگاں آ دانکہ وتی امر ءِ آھر ءَ دولت ءِ نیمگ ءَ نہ رو اَنت ءُ دولت باید بئیت ءُ بلوچستان ءِ مردمانی نگیگی کہ شری ءِ سر ءَ ودیگ اَنت ءُ بلکیں ماں دورتریں جاگاہ ءَ ماں ملک ءِ پجاہ اِش بیار اِیت ءُ آیانی توجیل ءَ وتی سرجمیں ھاٹیگ ءَ کار بہ بند اِیت ۔

 آئی ءَ ماں گُڈسر ءَ گُشت :چوناھیگا مردم واھگ دار اَنت کہ واجہ رئیسی ءِ دولت ءَ شریں پیش آمد ماں بلوچستان ءَ بہ کپ اَنت ءُ ان شا ء اللہ کہ بلوچستان ھم چہ آئی ءِ دولت ءِ جاھمنند بیگ ءَ چہ نزام ءِ یَک وَڑ چاری ءَ سِیت بارت ۔