13 دمگ ءِ راہ ماں اِے بکش ءِ بنجاہ ءَ کہ ھور ءُ ھار ءُ ھیروپانی سوب ءَ بند بوتگ کہ اِے بکش ءِ مردماں گوں اِے بکش ءِ بنجاہ ءِ راہ ءَ دزرسی نیست اَت کہ پچ کنگ ءِ بنداتی کار گڈسر ءَ آسر ءَ رس اِت ۔

انور رئیسی ساربوگ ءِ بکشدار ءَ  گپ ءُ رپ گوں میارجل ءِ ھالرسانی بنجاہ ءِ ھالکار ءَ گوشت ئِے  : 13 دمگ ءِ راہ ماں اِے بکش ءِ بنجاہ ءَ کہ ھور ءُ ھار ءُ ھیروپانی سوب ءَ ءُ اِے بکش ءِ مردماں گوں اِے بکش ءِ بنجاہ ءِ راہ ءَ دزرسی نہ بوتگ ، درانگاز اِتئِے : اِے آبریچ ءِ کلگانی راہ راھداری ءِ بنی جوڑشتانی نہ بیگ ءُ نگیگی ءِ سوب ءَ یک کسانیں ھورے ءَ رو ءُ آیگ ءِ گیگ گرگ بیت اِنت۔

آئی ءَ گیش کت : اِے کلگانی رھوتی راہ ءَ پھل ءِ نہ بیگ ءِ سوب ءَ ماں کاجو ءِ پُر زرمبشیں کور ءَ بندگ بوتگ ۔رئیسی ءَ پہ اِشارہ ءَ پہ اِیشی ءَ کہ دو دزگاہ لُدَر ءُ گریدر چہ شھرستان ءِ راھداری ءَ ماں اِے بکش ءَ اِیر کنگ بوتگ اَنت درانگاز اِت ئِے : جھد ءُ کار پہ اِے دمگاں چو کہ اوزارانی نہ بیگ ءِ سوب ءَ بلے شری ءِ سر ءَ کنگ بیگ اِنت ءُ راھداری ءِ جھد پہ اِے بکش ءِ دمگی راھانی پچ کنگ ءَ برجم اِنت ۔

انور رئیسی ءَ گیش کت : راھداراں ماں بکش ءَ جل اِتگ ءُ انچو کہ گوارگانی بندات ءُ کورانی ھار کنگ ءَ ءُ راھانی بند بیگ ءَ ھژدری ئیں کار پہ راھانی پچ کنگ ءَ ءُ پیش گندیں نگیگیانی پیشگویانی ھلاس کنگ ءَ کنگ بیت اِنت۔

آئی ءَ گیش کت :بشی ھورانی گواران ءُ کاجو ءِ کور ءِ ھار کنگ ءِ سوب ءَ کہ رو ءُ آ چہ ھمیری ءِ کور ءِ نیمگ ءِ بند بیت اِنت کہ اِے دمگانی مردم چہ ھپل ءِ راہ ءَ کہ آئی ءِ بدل اِنت رو ءُ آ کن اَنت۔

آئی ءَ گڈسر ءَ درائینت : جھدانے کہ کنگ بوتگ اَنت پہ پھل ءِ جوڑ کنگ ءَ ماں ھمیری ءِ کور ءِ سر ءَ اِے ملک ءِ مردمانی دیریگیں واھگ اِنت گام تیز کنگ بوتگ ءُ آئی ءِ اداری کار کنگ  پبوتگ اَنت ءُ ھرچی زوت تر کار ءُ واھگ سرجم کنگ بنت اِنت ۔