چہ میارجل ءِ ھالرسانی بنجاہ ءِ ھالانی رد ءَ; چہ چنت روچ پیش داں دنیگا بشّ ءِ موسمی ھوراں بازیں زیانی ءِ سوب ماں لھتیں چہ بلوچستان ءِ شھرستاناں چو کہ گنداوگ،کنرک،چھبار،دشتیاری ءُ راسک بیتگ، موسم زانتی ءَ پد ءَ ھم پہ گیشتریں ھورانی گوارگ ماں آیوکیں روچاں ھال ئِے داتگ ۔

گنداوگ ءِ جَھگیر ءَ گوشت:اے ھوراں کہ گوں مزنیں گوات ءُ لوڑ ھور بیتگ اَنت ،گیشتر چہ 20 تیربرگ ءِ پرُشگ ءِ سوب ماں تلنگ ءِ بکش ءَ بیتگ ءُ اے بکش  ءِ چِل دمگ ءِ برگ شُتگ اَنت۔

رھیم بکش پاک اندیش ءَ گیش کُت:گنداوگ ءِ ھور سک باز ترند بیتگ اَنت کہ بازیں بانے چہ گِلی ءُ نندوکی لوگاں لُمب اِتھ ۔دوشی چہ گنداوگ ءِ ھور چاریں بنجاہ ءَ 35 ، ھلنچکان30 ءُ اے شھرستان ءِ ساربوک22میلی متر ھور درپ ئِے کتف ۔چہ مردم ءُ کاجو ءِ کور ءِ جھلی نیمگ ءِ نندوکاں لوٹ اِت ئِے گوں دلگوش کنگ پہ اے کور ءِ مدامیں ھاراں چہ روگ ماں آئیگ ءِ توک ءَ دیمگری بہ کن اَنت۔

گوشگی اِنت کہ کاجو ءِ کور ءِ جھلی ءُ بُرزی 33 کلگ ءِ رھوتی راہ پہ شھرستان ءِ واست ءَ انگت ھم بند انت۔میارجل ءِ ھالکار رَند چہ دوشیگیں ھار آروکیں ھور ءَ ،گنداوگ ئِے سَر ءُ چیر کتگ داں مردمانی ھال ءَ ماں بدیں جاوانی رھبنداں چتورکانی اِنت ؟میارجل ءِ ھالکار واجہ امان اللہ اَزیزی ءِ تامر ھال چہ گنداوگ ءَ شمئے چم ءُ دیدگانی دیم ءَ گْوز اِیت ۔