جاندراھی ءِ وزیر ءَ ماں چھبار ءِ سپر ءَ گوں میارجل ءِ ھالکار ءَ گْوشت : من ھُگم کتگ کہ پہ زوتی ءُ شپ روچ کمی دور کنگ بہ بنت ءُ دہ ھزار سُرم پہ اے دمگ ءَ دیم دیگ بیت ءُ بلوچستان ءِ ھُردین ءُ مزنیں نادراھجاہ سرجم کنگ بنت ۔

میارجل بنجاہ ءِ ھالرسانی ھال ءِ پد ءَ : سئید نمکی جاندراھی وزیر ءَ ماں ھالکارانی مُچی ءَ پہ میارجل ھالکارءِ جست ءِ پد ءَ کہ ماں چھبارءَ اولوم پزشکی ءِ جتائیں مزن شھدربرجاہ ءِ جوڑ کنگ ءِ بابت ءَ گوشت ئِے : ماں چھبارءَ اولوم پزشکی ءِ مزن شھدربرجاہ باز زرورت اِنت بزاں چہ بنجاہ ءِ دوری ءَ ھمے مارگ بیت کہ مزن شھدربرجاھے ماں چھبار ءَ جوڑ کنگ بہ بیت اے باندات ءَ بازیں اداری کارے کنگ لوٹ اِیت بلت من پہ اے کار ءِ کنگ ءَ داں گڈسرءَ اے کارءَ رندگیری کن آں ۔

آئی ءَ وتی سپرءِ مول ءُ مراد ماں بلوچستان ءَ نادراھجاھانی چارءُگند ءُ پزشکی بُنکی نیازانی پورو کنگ ءِ ھاترءَ گوشت : گوں استان ءِ اے جاورءَ کہ کرونا نادراھی گیش بیان اِنت من ھمراہ گوں جاندراھی کمیسیون ءُ استان ءِ جھگیرانی ٹولی ءِ سربراہ ماں مجلس شورای اسلامی ءَ دو روچی سپرے ماں استان ءَ کتگ ءُ من پیسر چہ وتی سپرءَ دو ٹولی چہ وتی ماوناں ھم پہ استان ءَ دیم داتگ اَنت داں بیا اَنت ءُ کروناءِ نادراھی ءَ ماں استان ءَ چار بیچار بہ کن اَنت ۔

آئی ءَ گوشت : من زوتیں ءُ شپ روچی ھُگم داتگ کہ کمیاں سرجم بکن اَنت ءُ دہ ھزار سُرم پہ اے دمگ ءَ دیم دیگ بہ بیت ءُ بلوچستان ءِ ھردین ءُ مزنیں نادراھجاہ سرجم کنگ بہ بنت ۔