آموزش ءُ پرورش ءِ سرکماش ءَ ماں چھبارءَ گوشت : امیت اِنت کہ گوں دمگ ءِ مردمانی ءُ ذمہ وارانی کمک ءُ شریں سرسوج ءُ ھیال ءُ لیکھاں شھرستان ءِ وانگجاھانی کمی ءُ شر کنگ ءِ باندات ءَ ماں اے ھند ءُ دمگ ءَ گیشی ءُ شری یے بیاراِیں داں اے جنجالاں ماں شھرستان ءَ کمتر بکن اِیں .

میارجل بُنجاہ ءِ ھالکاری ءِ رد ءَ ; ھمایون امیری شھرستان چھبار ءِ آموزش ءُ پرورش ءِ سرکماش ءَ ماں میارجل کارگس ءَ آتک ءُ ماں یک تامری گندءُ نندے ءَ گْوشت ئِے : ایران اسلامی ءِ دیمروی ماں آموزش ءُ پرورش ءِ باندات ءَ ماں برزتریں جاھاں چہ ھر چیز ءَ مئی مزن تریں ءُ مھم تریں مول ءُ مراد اِنت اے کار بید چہ نوکیں نسل ءِ وانینگ ءُ کارزانتی ءُ مومن بیگ ءُ اسلامی بستارانی پابند بیگ ءَ سرجم بیت نہ کنت.

امیری ءَ گْوشت : نودربرانی وانگ ءِ دیم دیگ پہ مارا ءُ پہ مئی چاگرد ءَ مزنیں تاوانے پورو نہ بیوکیں بیت کنت. 

ماں مھرومیں ھند ءُ دمگاں بے راھیں جاگاہ جنکانی وانگ ءِ دیم دیگ ءِ نیمونے بیت کنت گیشتریں جنک ھما بنگیجی چہ وتی وانگ ءَ دیم دینت دگہ بے نیستی ءُ نیزگاری ھم یکے چہ اے دمگ ءِ چکانی زوریں وانگ ءِ دیم دیگ ءِ نیمون اِنت