میار جل ءِ ھالکار ءِ روگ ماں گھ ءِ مھمد رسول اللہ ءِ نادراھجاہ ءَ ءُ ھالے چہ گڈی ئیں جاوراں گپتگ ءُ درپ ئِے کتگ۔

چہ میارجل ءِ ھالرسانی بنجاہ ءِ ھالانی رد ءَ: اے روچاں کرونا ءِ چول ماں بلوچستاں گیشتر بیتگ اَنت ، چہ کنکے بُنی جوڑشتانی نہ بیگ پہ کرونا ءِ نادراھان ءُ چہ کنکے ھم کرونا ءِ ترندیں ھار ءِ راہ کپگ ءَ زانو گر ءُ تبیبء گیشتر  ترُس ءِ آماچ کتگ اَنت ۔

گیشتریں تبیب ءُ زانوگر گوش انت ھچ ھالیگیں وابجاھے ماں بلوچستاں پہ کرونا ءِ نادراھاں نہ منتگ ءُ انیگ الّم پہ دگہ مزنین ءُ ترسناکیں چولے چہ بستری نبیتگیں نادراھاں ماں نادراھجاھان بئین کہ ھر کس ءَ پونا اَنت ءُ نادراہ کت کن انت۔

ماں دیم تر ءَ میار جل ءِ رِد پہ ردیں ھالاں چہ بلوچستان ءِ کرونا ءِ جاوراں ، اے بر ءَ ماں گھ ءِ نادراھجاہ ءَ شتگ ایں داں چہ اے شھر ءِ جاوراں ماں کرونا ءِ نادراھی وھد ءُ درگت ءَ سھیگ بئیں ۔