ماں وتی پَد ءُ رَندیں ھالاں پہ کشتکاری ءِ زرکاری ءَ ماں بلوچستان ءِ رو اِیرُشت ءَ دلگوش دے ایں;سیُمی ھال ءِ توک ءَ پہ بمپور ءِ راجدپتر ءَ کہ کشتکاری ءِ کوھنیں بنجاہ ءَ ماں سیستان ءُ بلوچستان ءُ روایرشتی بلوچستان ءِ گندم ءِ امبار ءَ دلگوش دات ۔

چہ میارجل ءِ ھالرسانی بنجاہ ءِ ھالانی رِد ءَ; اَباس اشکانی سیستان ءُ بلوچستان ءِ کِشتکاری کارانی کارمستر ءَ پہ بمپور ءِ کشتکاری ءِ گڈی نوکیں بدلی ءِ بارو ءَ گوں میارجل ءِ ھالکار ءَ گوشت ئِے:انیگ ءَ ءُ ھمے موسم ءَ بمپور ءِ شھرستان ءِ توک ءَ باگی مھسولانی  کِشگ ءَ گلائیش ایں کہ اے میان ءَ ھپت ھزار پاگاپ پہ "زرائی" ءُ  گیش چہ 4 ھزار پاگاپ پہ دگہ مھسولانی کشار ءَ گچین کتگ ۔

آئی گوش ایت : کشتکاری مھسول ماں بمپور ءِ شھرستان ءَ گیشتر ماں تاکریچ ءُ گرماگ ءِ موسم ءَ بیت اِنت کہ گرماگ ءِ گیشترین کشار گندم ءُ سَبزی  اَنت ءُ گرماگ ءِ کشار ھم گیشتر پہ کاہ ءُ کڑب ءُ سورو ءُ ھمے انی کرپاس ءُ کیٹگ بوتگ ۔