مھمد بلوچ زھی ءَ ماں وتی انستاگرام ءِ تاک ءَ نِبشت : رِزوان بلوچی گِھ ءِ یک بودناکیں وَرنایے اِنت کہ سے سال پیش بیت کہ ھَڈّ ءِ شومک ءِ نادراھی ءَ دست ءُ پاد ئِے جَتگ۔

پہ میارجل ءِ رسانکدر ءِ بنجاھی ھالکاری ءِ ھال ءِ رسانکدری ٹول  ; چہ بلوچ زھی ءِ نبشتہ ءَ ; اندازگ چہ یک ماہ ءَ سرپد بیت کہ آئی ءِ نادراھی ھاموش بیتگ ءُ پہ گُڈی سیمسر ءَ رستگ۔
رزوان کہ یک ٹی وی ءِ برنامہ ءِ توک ءَ ساڑی بیتگ گوشتگ ئِے باز واھگ دار اِنت کہ جھد ءُ جارچینی ءِ پِڑ ءَ بئیت ۔

اے ورنا گوں واھگ ءُ ھاٹیگ مندی ءَ  ھشت بر ءَ "شیمی درمانی" ءُ شش بُرّبین پشت ءَ گوازینتگ ئِے ءُ انی گوں واھگ داری پہ باندات ءِ زند ءُ امیت ءَ ءُ سلامتی ءِ چنت کدمی ءَ پیش شُت  امیت پہ باندات ءَ پہ پَکا ایں دراھی ءِ چنت کدمی ءَ شتگ۔

ایشی ءَ شومک ءِ نادراھی راہ ءِ گُڈسر نہ زانتگ ئِے ءُ گوں جھد ءُ ھاٹیگ ءُ امیت ءَ وتی سلامتی ءَ پد ءَ رس اِتگ ءُ شومک ءِ نادراھی پروش ئِے داتگ ۔ 
 آئی ءَ اے باور ھست انت کہ اشک ءِ کدرت دنیا ءِ گرنچ بندین ءُ تُرسناک تریں جنگ ءُ جیڑگاں  ھلاس کنت۔

رزوان وانگی وان ایت ، تامُر چار اِیت ،زیمل گوش دار ایت،کُران وان ایت اِءُ گوں وتی نزیکین ءُ ارزشمندیں دوستاں گوں نند ءُ پادا ئِےھست ءُ ھانوادگ ئِے کوہ ءِ وڑ ءَ پشت انت ئِے ءُ چو اِے وڑ ھم بیتگ کہ پہ زندگی کنگ ءِ اِشک ایشیگ ءَ کوہ ءِ وڑ ءَ ھاٹیگ ءُ کدرتمند ئِے داشتگ ۔

انیگ واجہ رزوان پہ توکل ءُ امیت زندگی ءِ گاماں یکے ءَ رَند چہ دگہ یکے ءَ دیم ءَ برگ اِنت ءُ مئے واھگ انت کہ اے سنچ ءُ بودناکیں ورنا جلدی تر پہ جان دراھی ءَ بہ رس ایت