میارجل ھالرسانی بنجاہ ءِ ھالانی رِد ءَ ابدسلام بزرگزادہ بلوچ ءِ چاگردی پٹ ءُ پولکار ءِ گپ ءُ دیوان گوں ھالکاری بنجاہ ءَ ءُ پہ اے ھالکاری بنجاہ ءِ کتگیں کارانی بارو ءَ گوشت ئِے ; ماں اے یک سال ءُ نیم ءِ اُمبرءَ میارجل ءِ ھالکاری بنجاہ ءَ یک شریں اوست ءُ امیتے پہ مردمانی گورءَ ءُپہ ھالکاری باندات ءَ پہ وت جوڑ کتگ ءُ اے ھالکاری بنجاہ ءَ پہ وشی ءُ زیبداری بلوچستان ءِ دودمان ءُ شریں رسم ءُ رواج بلوچ ءِ دود ءُ ربیدگ پہ شری پجار کناینتگ اَنت ھنچو زانتکار ءُ سرشناسیں مردمانی پجار کنائینتگ اے باندات ءَ باز شریں کار دیم ءَ آتک اَنت ۔
آئی ءَ میارجل ءِ لبز ءِ مانا ءُ بزانت ءِ باروءَ تران کنان ءَ گوشت کہ میارجلی یکے چہ بلوچانی شرتریں دود ءُ ربیدگان اِنت ءُ بازیں بزانت ءُ مانایے دار اِیت میار لبز ءِ بزانت ءُ مانا پہ آسانی زانگ ءُ درگیجگ نہ بیت اے یک ھاسیں بزانتے دار اِیت اگاں اے باواست ءَ ما گور بجن اِیں یک مزنیں دریا ءُ سانوڑے بیت کنت ۔
گڈ سر ءَ آئی ءَ گوشت ھنوں کہ اے ھالکاری بنجاہ گوں ھمے نام ءَ زانگ بیت اے گپ اے بنجاہ ءِ مزنی ءُ شھگانی ءَ پیشدار اِیت.امیت واراں کہ گوں جھد ءُ کوشست ءَ درستیں ھمکارانی ءُ بنجاہ ءِ ھالکارانی ءُ گوں سرپد ءُ زانتکارانی شور ءُ سلاہ ءَ میارجل ھالکاری بنجاہ دیم ءَ روان بکنت.
محمدیاسین جلالزهی
.png)
