بلوچ جنینانی دستی ساچکارانی پیش کنگ ماں یک زانش بُنیادیں سَیل جاھے ءَ، ھاسیں موھے جوڑئِے کُرتگ کہ دستی ساچکار سازیں بانُک پہ برندساچی ءُ وتی اَرزشمندیں دستی ساچکارانی گھتر پیش کنگ ءُ دیم ءَ آرگ ءَ گیشتر پگر بکن اَنت.

میارجل ھالرسانی بُنجاہ ءِ گزارش ءِ رِد ءَ؛ برندساچی ءُ مارکتینگ ماں ھر کارمانے ءَ ھاسیں اَرزشت ءُ اھمیتے ءِ واھُند اِنت ھاس کار اَگاں آ کارمان بلوچستان ءِ دستی ساچکارانی پیم ءَ پیاپ بہ بیت ءُ پہ  شاھگانیں رنگے ءَ پیش کنگ ءَ اَلّمی نیازے بہ بیت.

بلوچستان ءِ دستی ساچکار سازیں بانُکاں ماں یک زانش بنیادیں سیل جاھے ءَ بھر زُرتگ تانکہ موھے بہ شوھاز اَنت ءُ وتی گْران بھائیں دستی ساچکاراں گوں روچی زانشت ءَ برند ساچی ءُ مارکتینگ کنگ ءَ پد ماں بازار ءَ پیش بکن اَنت؛ میار جل ءِ ھالکار ماں اے سیل جاہ ءَ شُتگ ءُ گوں دستی ساچکاریں بانُکاں گپ ءُ تْران ئِے کتگ.

 

منصور کریمدادی