چہ میارجل ءِ ھالرسانی بنجاہ ءِ نیمگ ءَ : چھبار ماں بلوچستان ءِ توک ءَ ھژدری تریں شھرستانے ءُ اِے ماھانی توک ءَ کہ جاورانی نگیگیانی سوب ءَ بازیں چہ کارمرزی چیز ءُ راشن ماں ملک ءِ توک ءَ سَکّ سِل کمیانی آماچ بوتگ اَنت ۔

 اِے جیڑگ ءِ زانگ ءُ پجارگ ءَ بندات ءَ چھباری شھرنندانی میانجی ءَ شتگ اِیں دانکہ چہ نزیک ءَ نگیگیاں  بہ گند اِین ءُ زانتکار بئیں ،چہ چھبار ءِ "اُتاگ اَسناپ " ءِ سرکشی نہ کنگ ءُ چیزانی سر ءَ کِیمّت نہ اِلّگ شھرنندانی مستریں گِلو اَت کہ اِے بنگپ ءِ سر ءَ ھست اَت ۔

پہ جست ءُ پُرس کنگ ءَ چنت بر ءَ گوں "اُتاگ اَسناپ" ءِ کارمستر ءَ گوں گوانگ کنگ بوتگ بلے بژنی گپ اِیش اِنت پسوے نہ گپتگ ، انی واھگ دار اِیں کہ کارجاھانے چو کہ "ادارہ سنئت ءُ مئدن" ءُ "ھکومتی تئزیرات " وتی چکر ءُ چار ءُ گُزاراں گیشتر بہ کن اَنت داں چہ اِیشی ءَ گیشتر چیز ءُ راشن ءِ کمی مہ بیت ءُ ھمے وڑ ءَ جوڑ کنگ ءُ بھا کنگ ءِ میانجی ءَ گیشیں دستاں بہ گُڈّ اَنت ۔

منصور کریمدادی