میارجل ءِ رسانکدری ھالکاری ءِ ھال ءَ : بانک تاھرہ مرادی کہ یکے چہ بلوچ ءِ رسانکدری ءُ مچانکی کارندھان اِنت کہ ماں یک نبشتانکے ءَ کہ پہ مھر ءَ نبشتگ ئِے چُش اِنت : "جنین پدریچ ءُ اوبادگ ءِ ودی کنوکے کہ ماں دین اسلام ءِ توک ءَ ھاسیں جاگاہ ئِے ھست .

ءُ گڈ چہ ایران ءِ اسلامی جنز ءَ رند بانکانی جاگاہ کمے بُرز تر شُتگ اگاں وتی کر ءُ گوراں شری ءِ سر ءَ بہ چار اِیں گڑا زالبول ءَ ماں سرجمیں پِڑ ءُ میدان ءَ گِند اِیں
گڑا ھمے سوب ءَ یک ملکے ءِ آباتی ءُ دیمروی ءِ سوب مند بوت کنت کہ سرجمیں ٹولانی یاری ءُ مدت پہ درستینانی واست ءَ گون بہ بیت

زالبولانی بھر زوری ماں سرڈگار ءِ دیمروی ءَ ، بلکیں پیش چہ ایشی ءَ یک چاگردی جیڑگے بہ بیت بلے اِے چیز ھم دلگوش کنگی اِنت کہ باپاری ءِ توک ءَ ھم اے مسئلہ اِیر کپ اِیت ءُ وانندھیں جنینانی گیش بیگ پہ دیمروی ءِ واست ءَ یک چیدگے ھساب بیت جنین ءِ ھمراھی پہ آباتی ءُ دیمروی ءِ گامگیجانی تیز کنگ ءَ یک مزنیں راہ ءُ درے ھِساب  کنگ بیت ءُ توجیلے پہ جیڑگانی دیمپانی بیگ ءَ ءُ ملک ءِ شر دیمروی ءِ بدلی ءُ سدلی ءِ واست ءَ زوت سان دنت.

چہ ایشی ءَ ابید کہ چاگرد ءِ نیمے بھر ءَ ڈالچار بہ کن اِین ءُ آئی ءِ دیمروی ءِ واست ءَ گپ بہ جن اِیں ۔ گڑا پمیشکا ماں دیمروی ءِ ھر پڑ ءُ بانداتے ءَ ، توری چاگردی ءُ دود ءُ ربیدگی بہ بیت یا باپاری ءُ یا ھکّ ءُ ھکوک ءِ میدان بہ بیت گڑا جنینانی دیم ءِ آیگ ءِ گپ ءُ ھبر درستیں وَھد ءُ دم ءُ درگتاں پیش گڑا ھمے باوست کہ بانک بیاینت ھمے انی دیم ءَ یارگ ءِ لوٹ ئِے ھست اِنت  ۔

راستی ، بانک ناں اِیوک ءَ ھر چاگرد ءِ آباتی ءُ دیمروی ءِ نیم بھر اَنت بلکیں ھاسیں کرد اِش ماں دیمروی ءِ باندات ءَ ھَست اَنت اِش ، جنینانی کرد ماں وَڑ وَڑیں پڑ ءُ میداناں ، توری سیاسی بہ بیت یا باپاری ءُ مُچّانکی چاگردی  ءُ یا دگہ پڑ ءُ میدان بہ بنت ماں مئے ملک ءَ ھچ داب ءَ انکار کنگی نہ اَنت بلے انگت چہ اینچو جھد ءُ کرد ءَ کہ ماں چاگرد ءَ ھست اَنت اش بلے شریں منسب ءُ جاگھے زورگ نہ بوتگ اَنت  مئے ملک ءَ ماں دود ءُ ربیدگی دیمروی ءِ بھر ءُ تھراں یا ھاسیں شوراں میدان دیگ ءُ کارمرزگ نہ بوتگ اَنت ۔

مئے دودمان ءِ بدیں باور ءُ لیکہ جنینانی نہ وانینگ ، بچکاں دیم تر کنگ چہ جنکاں ءُ نر ءُ مادگی ءِ ڈالچاری ، بانکانی وانگ ءُ شھدربرجاہ ءُ وانگجاھانی روگ ءِ سکّی ، وانگجاھانی نہ بیگ ، جنین ءُ مردینانی کم دزرسی ماں وانگی جاہ ءُ پڑ ءُ میداناں ، ءُ بانکانی ساڑی بیگ ءِ  ھَژدری ئیں لوٹ ماں لوگمان ءِ توک ءَ یکے چہ جیڑھان اِنت کہ توان اِیت شھری ءُ دمگی وانندہ ءُ سواد دارانی آمار ءِ دگری ءُ ڈالچاری ءَ پیش بہ دار اِیت ءُ دگہ جنین ءُ مردینانی نیمگ ءَ بُرز ءِ اِے گَپّاں کہ ما گْوشت اَنت بہ منّارین اِیت ۔

بُرز ءِ جدول ءِ ھساب ءُ شمار شش سال بُرز ءِ شمار ءَ ماں سیستان ءُ بلوچستان ءِ سرجمیں وانندھیں بانکانی ھساب ءَ پیش دار اِیت کہ استان سیستان ءُ بلوچسان ءِ ھساب چہ ایران ءِ ھساب ءِ توک ءَ  13/6 (سیزدہ ءُ شش دھک ءِ سدی) ءَ جھل گندگ پیداگ اِنت ۔

وانگ ءُ وانینگی نابرابری ملک ءِ مردمانی کار ءُ کسب ءِ ءُ دست آورتگیں آبادیانی سر ءَ سان اِلّ اِیت بلے اگاں چاگِرد لوٹ اِیت کہ درستیں پھنات ءَ گوں ھم برابری ءُ ھم بندی ءَ گامگیج بہ زور اِیت لاچار اِنت کہ وانگ ءُ وانینگی نابرابریاں مردمانی میانجی ءَ کم تر بہ کنت ھما وڑ ءَ کہ گندگ بیگ اَنت اِے ڈالچاری ءُ نابرابری آموزش ءُ دگہ پڑاں گیشتر مردین ءُ شھری زندگی ءِ سِیتّ ءَ روگ اَنت ءُ پِیش دارگ  بیگ اَنت ۔