پھرہ ءِ آبریچ ءِ مردمانی جھگیر ءَ ماں ایران ءِ اسلامی شورا ءِ راجگس ءَ گْوشت : گوریچان ءُ زربار ءِ جھگیرانی ھمراھی ماں اِے دور ءَ درور دیگی اِنت ءُ ھمے سوب بیت کہ استان ءِ بوجہ 4 برابر بہ بیت.

 ابدناسر درکشان ءَ گوں میارجل ءِ ھالکار ءَ تْران کنان ءَ درائینت : دولت ءِ دیگی بوجہ پہ راجگس ءَ 3 سَے ھزار میلیارد تُمن اَت کہ استان ءِ گوریچان ءُ زربار ءِ جھگیرانی ھمراھداری ءَ اِے بوجہ چار برابر بیت ءُ پہ 12 ھزار میلیارد تمن ءَ رس اِت ۔

آئی ءَ پہ دیم ءِ گچینکاریانی بارو ءَ ھم گْوشت : مئے لیکہ ءَ باید گچینے کنگ بہ بیت کہ استان ءِ بودناکیاں ھاسیں نگاھے شانک بہ دنت ءُ پہ بلوچستان ءَ ھم جوانیں کارمسترانی واھند بوت بہ بئیں.