دشتیاری ءِ سیمسری ءُ تیاب دپی دمگ ءِ برگانی کارمستر ماں گپّ ءُ ترانے گوں میارجلّ ءِ اھوالکار ءَ گوَشت ; گرماگانی موسم ءَ برگانی کارمرزی گیش تر بیت ءُ کارمرز ءِ زیادھی گیش چہ لَس مردمانی زرّ ءُ مالی تاوان ، برگانی بن ھِشت ءُ چیرساچ ءَ ھراب کنت.

چہ میارجلّ ءِ بنجاھی ھالرسانی ءِ ھالانی رد ءَ ، دشتیاری ءِ تیاب دپی ءُ سیمسری دمگ ءِ برگانی کارمستر ماں گپّ ءُ ترانے گوں میارجلّ ءِ اھوالکار ءَ گوشت ; گرماگ ءِ موسم ءَ برگ ءُ لین ءِ کارمرزی گیش بیان بیت ءُ کارمرز ءِ اے زیادھی ، گیش چہ لس مردمانی زرّی ءُ مالی تاوان ، اے آسراتی ءِ بُن ھِشت ءُ چیرساچ ءَ ھراب کنت .

تارک ازیز بالندہ ءَ گیش کت راج ءِ ھمراھی اے پڑ ءَ ، یک ھاسیں زلورتے ءُ توانت پہ درھیں سرڈگار ءِ برگانی زور ءُ ھاٹیگ بارو ءَ الکاپیں کمکے بہ کنت ءُ گرم ءِ موسم ءِ درگت ءَ آھانی مانشت ءِ سوَب بہ بیت . 

واجہ بالندہ وتی گپانی گڈسری بھر ءَ گوشت پہ شھری ءُ کلّگی برگ ءُ لین ءِ ھاتر ءَ لھتے بُنّکی گامگیج بوَگ ءَ انت ءُ اے بابت ءَ داں انگیں سال ءِ آھر ءَ لھتے دیمروی کُت کن ایں.

 

ھالکـار : منصور کریمدادی 

رجانک : میر جـــــلال