کرگ کلّگ ءِ درچک یا "انجیر معابد" کہ ماں کرگ کلّگ ءَ انت گیش چہ ۳۰۰ سال ءَ اُمر گوازینتگ . شما اے درچک ءِ لھتے اکس ءُ بت ءَ ، جھل ءِ نبشتانکانی چیر ءَ گندگ ءَ ات.

پروک ءِ درچکاں ماں گِسک ءِ کلّگ ءَ ، ھرچ سال ءِ اولیگیں روچاں گل ءُ پُلّ ءَ بیت ءُ وتی زرد چکیں پُلّانی ندارگان ءَ ماں دمگ ءِ کِشت ءُ کِشاری ڈگاران ءُ میزریں باگانی تک ءُ پھناتاں ، بے دروریں گونابے ءِ سر ءَ پیش دار ایت ءُ ترّ ءُ تاب کنوکیں مردمان ءَ وتی ھدوک کنت .

شما دنینگت ءَ مَچّ ایوار ءِ گپ ءَ اشکتگ ؟ مچّانی نوکیں کوکُورانی درایگ ءُ رُدَگ ءَ گوں ، چہ نریں مچانی پوست ءُ بُو ءَ ھر وڑیں مُکے ءِ مونڈ ءُ زلورت ءِ ھساب ءَ چنتے کال ، مادگیں مچانی دراتگیں ھوشاں ماں کن انت . اے کار ءِ گوم ءَ مچ ایوارگ بنت . لھتے جاھاں ایوار داتگیں ھوشان ءَ گوں بارگیں پیش تاکے ءَ اوں بندانت دانکہ رند ءَ اے نر ءِ کالاں چہ گوات ءِ شیکگانی ھاتر ءَ چہ وتی جاہ ءَ مہ شل انت ءُ جھل مہ کپ . مچّانی ایوارگ ءِ وڑ ءُ پیم ءَ ماں لاشار زمیں ءَ ، چہ دیمی تامرھال ءِ چارگ ءُ سئیل کنگ ءَ ، ھوری ءَ سرپد بہ ایں .

گِہ ءِ دمگ ءَ ، ھلوا چہ ۶۰۰ سال ءَ پیسر ءَ لھتے مردم ھاسکار حاجی عیدی ءُ حاجی حنیف ءِ لوگمان ءِ مردمانی گوم ءَ تیار ءُ جریگ بوتگ ءُ گیشتر ماں سیر ءُ آروس ، زالبولانی چلّہ ای مراگشان ، انچوش جژن ءُ شادہ ءِ درگتاں تیار ءُ جریدگ کنگ بوتگ . اے ھلوا ، انیگیں سروھد اں گِہ ءُ بلوچستان ءِ اسلی ایں ٹیکی ، دیم پہ ایران ءِ درھیں تک ءُ پھناتاں زانگ بیت .

یک بُنجاھے ماں بلوچستان ءِ زرباری دمگاں ، گوں ھوتگ ءِ آپان ءُ کمو بُنمال بندی ءَ ، لھتے کار ءُ چلوپگ پہ مردمان ءَ شوھاز کُتگ.

تیس ءِ سمٹ ءِ کارجاہ " ماں راسک ءِ دمگ ءَ ، چہ مازوت " ءِ ونڈ ءُ بھر ءِ نہ دیگ ءِ آسرال ءَ ، اے کارجاہ ءِ مزدوران نا لوٹیں موکلانی رَوَگ ءِ ھُجّ انت.

اے اولی رند انت کہ چھبار ءُ اسپھان ءِ شھرانی نیام ءَ بالی ءِ سات ءُ سپر برجم دارگ بوت.

تھران ءِ مَزَن شھر ءَ ، مھتر شاہ عبدالعظیم ءِ بازار ، اول سر ءَ ماں صفوی انی دور ءُ باریگ ءَ بندات کنگ ءُ رند ءَ ، ماں کاجار ءِ زمانگ ءَ " امیر کبیر ءَ ھگم ءِ سر ءَ نوک ساچی بوتگ . اے بازار ماں " ری " ءِ شھر ءَ ، مھتر عبدالعظیم ءِ مانشجاہ ءِ کَش ءُ گُوَر ءَ انت ءُ سال ۱۳۷۶ ءِ اِسپند ماہ ءَ ، " ملّی " ءِ کوھنیں کِردانی رد ءَ دَرپ کنگ بوتگ .

مکُّران ءِ تیاب دپاں ، ماں ترّ ءُ تاب پڑاں پہ چیر ساچیں بستارانی دیمروی ءِ مھتاج انت چہ ھمے ھاتر ءَ ، زرگولی ءِ اولیگیں بوجیگ ماں چھبار ءِ بندن ءَ وتی کار ءَ بندات کتگ .

بلوچستان گوں وتی پراھی ءُ شاھگانی ءَ ، بازیں وراکی انی کِشت ءُ کِشار ءِ جاگہ انت . بانکلینک یکے چہ ھمے سرد تبیں وَرَگان انت کہ بلوچستان ءِ گرم ءُ نیم گُوَھریں دمگانی تہ ءَ رُد ایت ءُ کِشَگ بیت.

" داز " مَچّانی ڈیل ءُ ڈولیں لُک پادیں ، گوں وتی لھتے دگہ کَش ءُ گُوَری شاھڑ ءُ یک اسلی ایں کُنٹے ءِ درچکےانت، اے درچک ءِ شاھڑ اں مدان مدان ءَ ردوم گِر انت ءُ داں یکّ ءُ دو مٹر ءِ کَچّ ءَ توہ بنت ، بلوچستان ءِ سیاھیں مَمّ اے درچک ءِ بَرانی ھُدوک انت .

واجہ " عبدالغنی ملک زادہ کہ " حاجی مثبت " پنام ءَ گوں پر نام ءُ توار انت ، ماں یک نیادے ءِ رد ءَ میارجل ءِ دیر گند ءِ دیم ءَ ، چہ وتی گُوَنڈیں کار ءُ چلوپگے ءَ گپ کُت کہ آئی ءَ گوں وتی لوگمان ءِ مردمانی ھوری ءَ راہ پِرّینتگ ءُ شَرّی ءِ سر ءَ دیم ءَ جُنز اتگ.

میارجل ءِ ھالکار ، مَکّی ءِ مَزَن مسیت ءِ نماز کنوکانی نیام ءَ شُتگ ءُ چہ آھانی ھمراھداری ءَ ، ماں اے روچگانی ماہ ءِ شانزھمی روچ ءِ نماز ءَ تامر ھالے ٹھینتگ کہ چہ شمئے چم ءُ دید ءِ دیم ءَ گُوَز ایت

بلوچ زالبولاں ، گیش چہ لوگ ءِ چِست ءُ ایر اں ، مردینانی داب ءَ ، ماں چاگردی ، زانشتی ءُ دربرینوکی کار ءُ بارانی پڑ ءَ مدام جُھد کُتگ ءُ سوب ءِ منزل ءَ سر بوتگ انت . چہ میارجل ءِ بنجاھی ھالرسانی ءِ ھالانی رد ءَ ; بانک بمپوری ، گوں وتی جھد ءُ جزم ءَ ، " فوم " اڈ کنگی یک کارجاھے ءَ ماں پھرہ ءِ شھر ءَ کارمستری کنگ انت . اے بانک گوں وتی کارپد اں پہ ۱۰ مردم ءَ لھتے تچکیں کار ءُ چلوپگانے در گِیتگ ءُ شوھاز اتگ / رجانک : میرجلال

مولوی یونس نھنگی زَرّاباد شھر ءِ اسلامی شورجاہ ءِ کماش ءَ گُوَشت ; بندنانی مزن کارگس ءَ پہ یک ندارگی بندنے ءِ بندگ ءَ ماں زرّاباد ءِ دمگ ءَ ما را لَبز داتگ ات ( چمشکا ) ما امیت کَشّ ایں کہ اے مزن کارگس ءِ کماش ءُ کارمستراں وتی لبز ءَ مہ پروش انت ءُ کُتگیں وادہ انی پاپند بنت.

واجہ مالک کرنگش یک سوبمندیں دربرینوک ءُ ورنائے انت کہ وتی یک نند ءُ نیادے ءِ رد ءَ ، وش ترانی ءِ ازم ءِ بارو ءَ گپ جنت .

چہ بنیاد مسکن کارگس ءِ نزوری اں ، گوھر کوہ نامیں کلّگ ءِ مردمانی لوگاں ، نیم بندیں ھالے ءَ گوں یلو کنگ بوتگ انت ءُ اے کارگس ءِ زمہ وارانی گوشے ءَ چار سال ءِ گوزگ ءِ رند ءَ ھم مورے نہ وارتگ ءُ ھچکس اے مردمانی پسو دیگ ءَ تیار نہ انت .

واجہ مولوی نھنگی زرّاباد دمگ ءِ اسلامی شورجاہ ءِ کماش ءُ مستر ، ماں گپ ءُ ترانے گوں میارجلّ ءِ ھالکار ءَ ، اے دمگ ءِ باڈر ءِ راہ پرّینگ ءِ بارو ءَ تران کت

ماں چھبار ءَڈچہ گونڈیں بوجیگ سواری ءِ یک الکاپیں بنجاھے ءِ نہ بیگ ءِ سوب ءَ ، اے دمگ ءِ مساپر ءُ گونڈیں بوجیگ داران لھتے شِلگرہ انی آماچ انت .

دیمی روچانی تہ ءَ گرانیں ھور ءُ ھیروپ پہ گیر تیابی ھندان ءُ زر ءِ برزیں چولانی گمان ، ماں تیاب دپان انت .

لیردپ ماں بلوچستان ءَ گمبرون ءُ چھبار ءِ بندن ءِ میانجی ءَ باپاری شھرے زانگ بیت ءُ پہ رھگوزاں کہ بلوچستان ءِ دست ساچی سامانانی زیرگ ءِ واھش مند اَنت میان راھی آپسرے ، ندارگ ءَ سیل کن اِت ۔

دریا ءُ زر ، گوں مَکُّران ءِ نما دار یں تیاب دَپ اں سَوَب بوتگ داں کہ راج ءُ مَھلوک ءِ یک بَھرے اے ھَند ءُ دَمَگ ءِ تہ ءَ کار ءِ چانک ءُ گُلائیش بہ بَنت . اَگاں بلوچستان ءِ تیاب دَپی کار ءُ باراں گیش ءُ مزن بہ بنت ، بلوچستان ، نوکیں دروشمے ءَ بدل بیت .

مالکاری مراگش ماں بلوچستان ءِ درگت ءَ کہ میارجلّ، بلوچستان ءِ رسانک ءِ چیردستی ءَ، جوڑ کنگ بوتگ، بلوچستان ءِ پروجیکٹ ءُ مالکاری راھبُردی تْراز ءُ ھاس کار مکران ءِ تیاباں گوں سادگیں ءُ گیشّ اِتگیں رنگے ءَ ریس ءُ پَرّیس کنت؛ اِے مراگش ءِ دومی بھر چھبار -دُزّاپ ءِ آسن راہ ءِ لکیر ءِ پَرّیس اِنت.

زِمستان ءِ دْراجیں شَپ ءِ نَزّیک بِیگ گوں چاھان ءِ آبریچ ءَ بورک ءِ دمگ ءِ 100 گَوبندی کِیٹّگ ءِ چِنگ ءَ گوں ھمدپ اِنت کہ ماں گِھ ءَ بندات بوتگ ۔ رجانک : میرجان میر

باھوکلات ءِ شش ھزار گوبندی ءِ کار کہ ھپتاد ءِ دھک ءَ بندات بوتگ نئیکہ وتی مول ءُ مراد ءَ رس اِتگ بلکیں مدتے بیت کہ مانگیش اِتگ ، میارجل ءِ ھالکار ماں اِے ڈگارانی سر ءَ شُتگ ءُ چہ کشتکار ءُ آئی ءِ گل ءِ کارمستر ءَ گوں گپ ءُ تران ئِے کتگ دانکہ مانگیشی ءِ "پرچا ؟ " زانگ بہ بنت ۔