ڈنسر کلّگ ءِ مردم ماں تلنگ ءِ آپسر اں ، چہ بازیں رھوتے گوں میارجل ءِ ھالکار ءَ چہ وتی راہ ءِ چنت ھپتگیں بندش ءِ سوَب ءَ تران کت ءُ چہ ملک ءِ اُگدہ داراں لوٹ ات ءُ گوشت کہ اگاں آھان ءَ اے پڑ ءَ رھدر ءُ سوجے لوٹگی انت گڑا گوں کئور ءِ آپدیم ءُ جگرد ءِ سِمِٹ دون کنگ ءَ یا چنت پراھیں پیپ ءُ لولہ ءِ ایر کنگ ءُ اَشانی سر ءَ کمو بار ءِ ریچگ ءُ تچک کنگ ءَ توان انت مئے راہ ءِ مشکل ءِ بارو ءَ توجیلے بہ کن انت . البت اگاں اے واجھانی جان ءَ رومَھکے بہ بیت ، دانکہ ما چہ کموکیں ھار ءِ آیگ ءَ اینچو تکانسر مہ بہ ایں .

پہ چھباری ءُ ترّ ءُ تاب کنوکیں مردمانی ھاتر ءُ وژھالی ءُ شادھانی مول ءُ مرادانی سر ءَ ، یک دود ءُ روبیدگی مراگشے یرجم دارگ بوت .

گنداوگ ءِ جھگیری بکشدار ءَ ھال دات کہ چہ اے دمگ ءِ ھار ءُ ھیروپ ءَ یک ۵۰ سالیں زالے ، ناز بی بی دامنی ءِ نام ءَ کہ مزار ءِ دُتَّگ ءُ زھگ بوتگ ، ماں زیرکاندری دپ ءِ کَلّگ کہ پاسک ءِ ۵ کیلومتری ءِ ھبیلی ءَ انت پہ وتی پَس ءُ مالانی رکّینگ ءَ چہ ھار ءُ ھیروپ ءِ وئیل ءَ ، کور ءِ آمال ءِ تہ ءَ ماں داتگ ءُ اے راہ ءَ وت ءُ ۱۲ پس ءُ مال ءَ گوں آمال ءَ برتگ ءُ بیران بوتگ انت .

دکتر حسابی ءِ اِزمی دربرجاہ ماں بنت ءِ ھند ءُ دمگ ءَ ، کہ اد ءَ دَربَرَگ ءِ سجّہ ایں آسراتی ءِ سامان چُشکہ اُزمائشت جاہ ءُ لیب ءُ گوازی دالون ءُ اوزار ھست انت چہ دربروکانی نیمگ ءَ نہ وانگ ءِ بے مھری انت چمشکا اے دربرجاہ ءِ کارمستر ءَ چہ ھند ءُ دمگ ءِ دربروکانی کھول ءُ لوگمان ءِ مردماں پہ وتی زھکانی وانینگ ءَ ماں اے ازمی دربرجاہ ءَ دزبندی کتگ .

کار ءُ بارانی بلدی ءُ سرپدی ءِ ھاسکاریں اولی نند ءُ نیاد گوں شھدربرجاھی کارستان ءُ "صنعتی" بنجاھانی سروک ءُ کماشانی ھوری ءَ ، چہ مکّران ءِ دیمروی ءِ شورجاہ ءِ نیمگ ءَ ، ماں چھبار ءِ بندن ءَ برجم دارگ بوت .

پنّوچ ءُ مسکوتان ءِ نیام ءَ رند چہ ھورانی ترندیں گوارگ ءُ درشکو کور ءِ ھار ءِ سرّیچی ءَ ، راہ ءَ بند بوت . دیمی تامرھال ءِ چارگ ءَ رند ، شما را گیشتریں سرپدی دست کپ ایت .

ماں گنداوگ ءِ دمگ ءُ آپسران ، کورانی ھار ءُ ھیروپ ءِ سرّیچی ءَ ، پاسک کلگ ءِ ھند ءُ گنداوگ ءُ جیکیگور ءِ نیام ‍ ءَ مردمانی راھان ءَ بند کُرت.

"راھداری" ، "راہ و شھرسازی" ءُ "بنیاد مسکن" ءِ کارگس اں وتی لبز ءُ کول ءَ پروشتگ انت،"کَلّینک" ءِ دوئیں کلّگاں ، گوں تاج مھمدھانی ءُ آزم ھانی ءِ پنّاماں ، شَرّیں راھے ءِ زبھری ءَ کہ چہ اے کلگانی مردمانی نیمگ ءَ یک کدیم ءُ کوھنیں لوٹے ۳ نام گپتیں کارگسانی سر ءَ بوتگ تکانسر انت ءُ بژن انت کہ اے ۳ کارگس ءِ ھچ زمہ وارے ءِ گوش ءَ داں انی ءَ مورے ھم نہ وَرَگ ءَ انت .

علیرضا مرھمتی ، ھلاکہ دار ءِ چیری کارانی جھگیر ، میارجل ءِ دیرگند ءِ دیم ءَ آتک ءُ اے بلوچ کوشاریں دگ وئیل ءِ بارو ءَ تران کت .

برنج ءِ کشار ءِ اولی رون ماں دسک ءِ کلّگ ءَ بندات بوت ،

گوستگیں شپ ءَ ماں پنوچ ءِ شھر ءَ ، چہ دو پلپٹ سواریں مردمان ءُ پلیس ءِ پد ءُ لِنگی ءِ تپاکے ءِ رد ءَ ، یادگیں نوک ورنائے چہ پلپٹانی ڈیک ورگ ءَ بیران بوت، دیمتر ءَ شما میارجل ءِ ٹپّاسی ءَ چہ اے دگ وئیلی تپاک ءَ وان ات .

یک چاگردی جھدکارے ءَ گوش ایت ; ھما گُزِند ءُ مونجائی اں کہ مئے راج ءَ بیمباہ دنت، ھیرکارانی گدا پلورینگ انت، کمو گوستگیں وھداں ، گوں ھیرکاریں مردمان ءُ لھتے کمک کنوکیں بنجاھانی آیگ ءِ درگتاں مئے دمگانی تہ ءَ ، بژنی گپے کہ ما گندگ ءَ ایں لس مھلوکاں وت ءَ را وار ءُ بزّگیں مردمانی دروشم ءَ پیش دار انت .

مھرستان ءِ شھردار ، راہ ءُ دگانی بند بیگ ءِ بارو ءَ کہ لھتے جنجٹ ءُ شلگرہ ، چوشکہ موٹلانی جمبوری ءُ دگ وئیلی ءُ مردمانی جانی تاوان باری ءِ سَوَب بوتگ گپ کت .

۲۴ گلّانی رد ءَ ماں گونڈوئی ، نوک ورنائی ءُ ورنائی سالیں گلانی نیام ءَ اے دمگ ءِ تہ ءَ برجم دارگ بوت.

یک بلوچ لیب کنوکے ءَ گوش ایت ; بژن انت کہ مئیگ ءُ اے دگہ ھلاکہ انی تہ ءَ ، پھلوان پلورینی ءِ جلّ ءُ گیگ ، چوشکہ اے دگہ ھلاکہ انی تہ ءَ نیست انت ءُ لھتے مردم ھست انت کہ نہ لوٹ انت کہ لیب ءُ لیب کاریں ورناھاں ماں اے ھلاکہ ءَ بود ءُ دیمروی بہ کن انت .

روچگانی ماہ ءِ ھلاسی روچ ، بلوچانی یکے چہ ائید ءِ روچان انت کہ رند چہ ماھے ءِ روچگ داری ءُ ھاوند ءِ زگریں ابادتاں پیداگ بیت .

گزگون کلّگ ءِ مردماں چہ بَرک ءُ لین ءِ زبھری ءَ سَکّ گِلَّہ کنگ ءَ انت ءُ اے تپت ءُ لواریں روچانی تہ ءَ ، برک ءُ لین ءِ کُھت ءُ بے آپی ءِ مونجائی اں ، آھان ءَ سَکّ تورینتگ . اے مردمانی یک دگہ جنجٹے ، اے کلگ ءِ دھیار ءِ نہ بیگ انت کہ آھانی تورشتانی جاک ءُ توار ءَ پہ ھند ءُ دمگ ءِ زمہ واریں اُگدہ داران ءَ سر بہ کنت . اے کلگ ءِ لس مردماں چہ یک اَدَنائیں راھے ءَ اوں زبھر انت .

بلوچی ساز ءُ زیمر وھدانی گُوَزگ ءَ گوں ردوم گپتگ ءُ بُرزیں جاہ ءُ بستارے ءَ رستگ چمشکا انی ، وت ءَ نوکیں گونابے ءِ گوم ءَ پیش دارگ ءَ انت.

چھبار ءِ شھر ءَ روچگانی ماہ ءِ ائید ءِ نماز گوں مولوی عبدالرحمن ملازھی ءِ پیژ امامی ءَ برجم دںرگ بوت.

زراباد دمگ ءِ دالونی فوتسال ءِ چکاساں ، شھمیران رھمت درزادہ ءُ یاسین نھنگی ءِ یاتانی رد ءَ ، گوں اے شھر ءِ ساحل گلّ ءِ اولی ءُ اسلام آباد دمگ ءِ نوبھار نامیں گلّ ءِ دومی باج بری ءَ ھلاس بوت .