گُوَستگیں جوھار ءِ ھور ءُ ھَرّگاں ماں بلوچستان ءَ ، کورانی لھراپ ءِ ترندیں سرّیچی ءِ سوب بیت . ورنا ءُ نوک ورناھاں گوں وتی نادلگوشی تب اں ، لھراپانی ترندیں چولانی تہ ءَ مان کپ انت ءُ تھلیں تپاکانی سوب بنت ، چُوشکہ گوں آھانی بُکّ گِرَگ ءَ ماں لھراپاں ، یک لوگمانے ءَ مردماں داگ ماں دل بیت / رجانک : میرجلال

عرفان سادہ ، چاگردی جھدکار ماں شھر منندی ھکّانی پٹ ءُ پولی نند ءُ نیادے کہ چہ میارجل ءِ نیمگ ءَ برجم دارگ بوت ، چو درّائینت : ماں مئے ھند ءُ دمگ ءَ شھر منندی ءِ گیشتریں روبیدگانی ھونڈال ، سبک وانی ءُ مانگی ایں کار ءُ چلوپگانی نہ بیگ ءِ سوب انت / رجانک : میرجلال

سرباز ءِ مُک داراں چہ ھامین ءُ وتی دمگ ءِ مچکدگانی ناھانی دارگ ءِ شِلگِرَہ ءَ گپ جن انت ، آھاں چہ ٹوھیں سارتینک ءِ نہ بَیَگ ءُ ناھانی گِھَگ ءُ پیسگ ماں ھور ءُ ھرّگانی سروھد ءَ گِلَگ دار انت ءُ چہ دلّارانی کارستاں اے مُک دارانی دست کَٹّ پہ لِرتیں نھادے ءَ بھا کنگ بیت / رجانک : میرجلال

پہ بلوچستان ءِ دمگاں ، آپ ءِ سر کنگ ءِ بنگپ ءِ مراگش اں یکّے چہ دگرے ءَ رند ، بنگیج بیگ ءَ انت ءُ ھلاکہ ءِ آبفا ( ورگی آپانی کارگس ) ءِ مزن کارمستر ءِ گپّانی رد ءَ . سیزدھمی دولت ءُ سرکار ءِ داں گُڈّسری روچاں ، ما ، ماں بلوچستان ءِ درھیں دمگان ، آپ ءِ سر بیگ ءِ گُوَھدار بہ ایں بلے بلوچستان ءِ مردمان ءَ آپ ءِ سر کنگی کار ءُ بارانی اوست ءُ اومیت چہ کساس انت ، اے بارو ءَ مئے گوم ءَ ھور ءُ ھمراہ بِہ بَہ ات .

چھبار ءِ شوراے ءِ سرکماش ، پہ شھر نندوکی ھکّانی باروانی یک نند ءُ نیادے ءِ تہ ءَ کہ چہ میارجل ءِ نیمگ ءَ برجم دارگ بوت ، درّائینت : چھبار ، زرباری روچ دراتکی دمگانی دیمروی ءِ پیٹوک ماں ڈیہ ءُ سرزمین ءَ انت بلے دنینگت ءَ چہ بنکّی چیرساچی ءِ ساچشت اں پہ دیمروی ءِ ھاتر ءَ زبھر ءُ اے بارو ءَ گیشتریں دلگوش گُوَردیگ ءِ زلور مند انت . اے واجہ چہ شھر ءِ شوراے ءِ میھمانی اناگتیں رمب ءُ ریچ ماں ( گوستگیں )نوروز ءِ درگتاں گپ جت / رجانک : میرجلال

رمین ءِ کَلَّگ ماں چھبار ءِ دمگاں گوں وتی زیبداریں تیاب ءَ یک بے مٹّ ءُ بے دروریں موہ ءُ کُجالے پہ آپی لیبان انت . چہ ھمے رد ءَ چول سواری گوازی ءِ چکّاسان ءِ برجم دارگ ءَ بوت کنت کہ بلوچستان ءِ نوکیں لیبی واک ءُ وساں ، شوھازگ ءُ ردوم دیگ بہ بنت / رجانک : میرجلال

ھور ءُ یَدّار ، ھما دوئیں گال انت کہ جنجٹانی وھد ءُ درگت ءَ ، پہ میداں درد ءُ گپچیل انت . یَکّے چہ اِشاں گُشت ھور ءِ برکت ، ما مِیدانی گلابالی ءِ سوب انت بلے رَھمتانی ھمگوری ءَ مھنت ھم بیت . ھمے ھاتر ءَ کہ ما را پہ وتی کسانیں یَدّارنی جَلّ اگ ءَ ، شَرّیں جاہ ءُ جاگھے نیست پمیشکا ( مُلک ءِ ) زمَّہ واران ءَ اے بارو ءَ ھیالداری ءِ ھژدری انت/ رجانک : میرجلال

لھتے ھالانی رد ءَ ، موٹل ءُ گاڑی انی رو ءُ آ ، بنپور ءِ کلات ءِ کش ءُ کِرّی ٹُمپانی سر ءَ اش کنگ بوتگ ، پمشکا میارجل ءِ ھالکار چہ بنپور ءِ مردم ءُ اے کلات ءِ پِھنامیں میراس ءِ پَلَّوگرانی لوٹ ءِ ھاتر ءَ ، ھمے بارو ءَ چہ واجہ مھندس کیھان پور ، بنپور کلات ءِ پِھنامیں میراس ءِ اوشتجاہ ءِ سرمستر ءَ لھتے سر ءُ سوج کتگ / رجانک : میرجلال

ماں کلمت ءَ کہ ساربوگ ءِ ھبیلی ان ءِ کَلَّگے انت پیشی ھپتگ ءِ تہ ءَ ۴ سالگیں گونڈو ے ، برگ ءِ جٹکھانی آماچ بوت

کیشکور ءِ آپسراں ، مچّان ءِ کلگ گوں وتی کُوَھنیں گُوستانک ءُ پُر آپیں آبندے ءَ ھور ، اود ءِ بُرز ءُ بلندیں مْکاں چہ تنّاپی ءَ ھْشک انت ، اے کلّگ ءِ جَھمندیں مھلوک چہ زندمان ءِ اولی آسراتی اں چوشکہ ، آپ ، برگ ءُ گوانکوانی دامگ ءَ زبھر انت .

زراباد ءِ شکر ورنائیں 16 سالگی یاسین نهنگی ءِ گاری ءَ داں مروچ دوازده روچ گوستگ ، ادارے پیش اِے شکر ورنا ءِ پاکیں جنازه ودی بوت.

پوتر ءِ مردماں ( پنّوچ دمگ ءِ یک کلّگے ءِ نام انت ) چہ زند ءِ ھما ادنائیں اوزار ءُ ساماناں اوں زبھر انت . اے مردماں چہ گونکوانی دامگ ءِ نہ بیگ ، ورگی آپ ءُ شرّیں برگ ءُ بجلی ءِ نزوری اں تکانسر انت .

واجہ گلام ھیدر کُبا ( کزوری ) کہ چاگردی جھدکار ءُ چہ بلوچی زبان ءِ ندکاران ءُ پھرہ ءِ نندوک انت ، ماں گپ ءُ ترانے ءُ گون میارجل ءِ بنجاھی ھالرسانی ءِ شھری ھالکار ءَ ، چہ ماتی زبان ءِ دربرگ ءِ اردشت ءَ گپ کنت . اے واجہ پہ اے زبان ءِ بستار ءِ بارو ءَ ، بلوچ راج ءَ را پنت ءُ سوج دیگ انت کہ وتی گونڈو ان ءَ چہ کسانی ءَ بلوچی زبان ءِ گپ کنگ ءِ ھیل بہ دئے انت / رجانک : میرجلال

گوں بستگیں چمّاں ھم ، پاکتاک چہ بَرکنگ بیت .

چھبار ءِ برگانی واکجاہ ، چہ بازیں کار ءُ بارانی شمار ءَ ، ھما یک تیوکیں درورے انت کہ پہ بلوچ مردماں تاوان بار بوتگ ، اے ھاتر ءَ کہ اے واکجاہ ءِ جاہ درائی یک وڑ ءُ پیمے بوتگ کہ چہ ھمائی ءِ آسراتی ءَ ، لیپار کہ چھبار ءِ ٹوہ تریں ترّ ءُ تابی جاورانی جہ بُنی ءِ پدوئی بود گِرَگ ءِ امیت ءَ مہ کشّ ایں ، چہ دگہ نیمگے ، چھبار ءِ ترّ ءُ تابی ءِ دگہ بازیں جہ بْنی ے ھم کہ بوتگ انت چہ برگانی اے واکجاہ ءِ اڈ کنگ ءِ آسراتی ءَ ، درستاں بیگواہ بوتگ انت .

پھرہ ءِ گچینکاری دمگانی جھگیر ، ماں ھمشوری نند ءُ نیادی گوں پنوچ ءِ مردماں درّائینت کہ پنوچ پرشتگیں پھل ءِ پداساچی ، اے دمگ ءِ مردمانی ٹوہ تریں لوٹ ءُ واھگ انت ، واجھیں جھگیر ءَ پہ اے کار ءِ رندگیری ءِ بارو ءَ مردمان ءَ لبز داتگ / رجانک : میرجلال

ھمے ماہ ءِ ۲۴ می روچ ، آدینگ ءِ ایوار ءَ ، چہ یک ۱۷ سالگیں جنک کاڈے ءِ بُکّ گِرَگ ماں لھڑاپ ءِ ھاتر ءَ ، یک لوگمانے ءِ مردماں داگ ماں دل بوت انت . جنک کاڈے کہ مدام گوں وتی لوگمان ءِ مردماں ، پنوچ ءِ تنک ءِ ھبیلی ءَ شتگ انت کہ اود ءَ کَور ءِ یک ٹوھیں جیلَّ ءُ جُھلانکیں گڈیلے بوتگ بلے اے کاڈ ، نالگوش چہ وتی شومّیں تالہ ءُ بھت ءَ اے جھلیں گڈیل ءَ ماں کپ ایت کہ آسر ءَ آئی ءِ بیرانی ءِ سوَب بیت / رجانک : میرجلال

ماں اوٹگانی بڈگ ءَ یک نیمگے واکدارانی کم کاری چیر دیگ نه بیت بلے اگاں گیشتر چار ءُ بیچار به کن ایں پت ءُ ماتانی نادلگوشی هم یک سوبے که چشیں ویل پیش کاینت . رجانک : میرجان میر

میارجل ءِ هالکار ءَ گوں شستون ءِ مه تُرسیں ورنا ءَ که په دو گونڈیں زهگانی رکّینگ ءَ ماں کور ءَ مان ئِے دات تران ئِے کتگ ، ماں اے گلگدار ءَ اے ویل ءِ سِیچّن داں بندیکّ ءِ سر ءَ گپ جنگ بوتگ .

پراہ ءُ شاھگانیں سیستان ءُ بلوچستان ءِ ھلاکہ ، چہ بازیں مڈّی ءُ ھستی انے پہ مال بندی ءِ ھاتر ءَ سرکیل انت ءُ بوت کنت کہ ھلاکہ ءِ تہ ءَ چہ ھمے ھاتر ءَ ورناھانی بازیں گلّے ، کار ءُ چلوپگانے ءَ گلائیش بہ بنت یلے ملکی ھستومندان ءَ اے ملک ءِ تہ ءَ ، مال بندی ءِ دلمانگی چہ اے راہ ءَ نہ انت ، اے شی ءِ مناںک چے انت ؟ / رجانک ; میرجلال